منتديـــات ود الشــريف للتعــارف
منتديـــات ود الشــريف للتعــارف

اشترك-وسجل اهتماماتك وتمتع كل ماهو جديـد ومفيـد

الفحص المبكر حياه أتعبهم مرض السلطان أهلكهم الكيماوي غير ملامحهم و أبعدهم عمن يحبون اللهم اشفي مرضي السلطان.
مستشفــي ودالمهيـــدي التخصصـي
اوشكـ علي الانتهاء قريبـــاً.. !!
بحـث
 
 

نتائج البحث
 


Rechercher بحث متقدم

سحابة الكلمات الدلالية

العام  

المواضيع الأخيرة
» صحف الخرطوم الصادرة هذا الصباح
الثلاثاء ديسمبر 05, 2017 8:09 am من طرف Admin

» خـدمة تحويل الرصيد السقف الاعلي الف جنية
الثلاثاء ديسمبر 05, 2017 7:22 am من طرف Admin

» منبـه الاذكــار في صفحـات الفيسبـوك
السبت نوفمبر 25, 2017 7:18 am من طرف Admin

» قصـة حصلـت في عهد سيدنا موسـي
السبت نوفمبر 25, 2017 7:08 am من طرف Admin

» شيطــان يشوش علي المصلييـن
السبت نوفمبر 25, 2017 6:49 am من طرف Admin

» صخــرة ناقــة سيدنا صالـح عليه السـلام
الجمعة نوفمبر 24, 2017 9:29 pm من طرف Admin

» السيـدة الغامـدة في كرتـون "تـوم وجيـري"
الجمعة نوفمبر 24, 2017 4:21 pm من طرف Admin

» انقص من وزنك 20باوند في اسبوعين
الجمعة نوفمبر 24, 2017 8:57 am من طرف Admin

» امش قدر ماتقدر
الإثنين نوفمبر 20, 2017 1:33 pm من طرف Admin

ديسمبر 2017
الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
31      

اليومية اليومية

الفهــرسة


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

منتديـــات ود الشــريف للتعــارف » الفئة الأولى » منتــدي الدوبيـت » صــوتـــــــــكـ

صــوتـــــــــكـ

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 رد: صــوتـــــــــكـ في الأحد سبتمبر 24, 2017 9:35 am

ودالمهيدي


*انا اخو البت اللكعت قرن الخمره النازه*
*رائعة الدكتور محمد بادي:-*

أنا أخو البت اللكعت قرن الخمرة النازة
على وردان الصبوة الراكزة
الجنيات الهازة .. صدورن لازة
ورقّ النص زي خيت الشلة 
بالحيل آ جني .... إيه والله
الجنيات الحزمو الجبة
وعرق الشتوي عليهم نايا و صب
قول ما دلة ..
رجالا حصدوا الحبة
عيشهن هاد و انكال واتعبّ 
ومنو كتير في الواطا انكبّ
وباقي مصوبر واقف قبة
الحمد آلاف .. 
الشكر آلاف
الحمد آلاف
الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. 
الحلق الجاف اتبلة 
بالحيل آ جني إيه والله
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دلة.. 
الحلق الجاف اتبلّ
بالحيل آ جني إيه والله 
مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن 
المغصة إن كان ضرعاتن خربن 
القرعة آ وليد .. السعن آ بنية القربة كمان...
كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر
لبن الشاي بالعملة
سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو 
غرب حامد وشرق بلة 
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله 
بالحيل آ جني إيه والله 
ذات في يوم والغيمة تهتّف مطرا
نقّع فوق نوار الطلح الفقع
ريحة البرد إن جاتك عطرا
فايت خمر الفوق أردافا مجضع 
شفنا الوادي يقشقش في دمعات الليل 
والتعل الشايل بدا يتفقع
تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت
ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية
وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو 
حامد كان عارفين
ضاقوه رجال قبالكن
شوفو أرزاقكم أخير من ضو
حامد عوج الطندب
آ وليدات عوج الطندب
نار القصب الهبلت ما بتعدلو
شوفو شلوخو مطارق رقدن
وكل تلاتة يمين سياف اتقبلو
حبوب القارح ... ما ذلة
ولدا ما ختالن زلة
شن قولك فيهو عليك الله
بالحيل آ جني إيه والله 
وينا مراتع الدرت الباسط 
دايما ببكي عليهن
وين بنوت الحلة البكّر
عصرا بدري يسون في شاهيهن
بعد الليل ما يهّود ونحن نهّود..
عاد أماتن ينادن ليهن
نمشي على القيزان نتقادم..
أقيس الخطوة مع التاتاي 
ومشيهن والله البعد الحاصل
ما نساني وحاتكن
في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى
الشوق الحاصل بينا معشعش
فيهن مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن 
مو زايغ رسيان وميقّن
زولهن كان خدران ومحقّن
من الشوفة عروقو يطقّن 
كان الدنيا بصح تتخلا
كن بركن معاهن
فوق رملاة الحلة 
الا كمان بنشوفا مذلة
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك 
حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة 
الولد الجاي حقايب سفرو تقال.. تقال 
من جنس كتاب ومجلة
الحكمة النضم إياهو الكان..
الحكمة الولد اتوضا وصلّ 
عادة البلد الدخلت فيهم سكنت .. 
سكنت ماب تتخلا
نحن كمان طارين الحلة
ودرنا الطلة
نشيلا معاهم فرح وميتة 
حلاة الموت كان في عبدلة

2 صــوتـــــــــكـ في الإثنين سبتمبر 18, 2017 2:23 pm

ودالمهيدي


صوتك نغمه القمري البينشد صدحو
عيونك جازبه علماء الفيزيا فيهن سرحو
قالوا كلام حقيقي.. وقالوا فيهن شرحو
كل زولاً بشوفن.. بس بموت من فرحو


للشاعر/محمدعمر ودالمهيدي

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى